- Details
- Categorie: Jeug
- Gepubliceerd op vrijdag, 11 november 2011 10:24
- Geschreven door Super User
- Hits: 68
Aajd Jeugd prins Tom I en aajd jeugd prinses Kelsey
Prins Tom I is beter bekind es Tom Steffanie, de zoon vân Jan en Pascalle Steffanie. Heer is gebore op 12 april 2000 in ut ziekehoes vân Mestreech. Nao get umzwervinge door Lummel en Amie koum heer terech in Hier op de Langwatersjtraot 22 boe heer met zien pap en mam en de hoond nog steeds woent. Heer geit naor sjaol op basissjaol de Vlinderboum en zit daor in groep 7 bij juffrow Mia. In ziene vreeje tied deit heer geir voetballe beej RKSV Hier en daorneve geit heer ouch gere skieje in Snowworld Landgraaf. Dat deit heer good, heer heet zelfs al un certificaat. Nog un hobby vân Tom is game met zien vrun, heer wilt dan wel t liefste winne. Ouch geit heer geir op bezeuk beej zien opa en oma.
Biografie prinses
Prinses Kelsey is beter bekind es Kelsey Wesche. Zie is gebore op 28 november 2001 op de Rieksweeg nommer 9. Zie is dus n ech Hiersj meidsje. Ouch häör awwersj Stefan en Patricia Wesche zien alletwie opgegreujd in Hier. Pap heet zien eige tummerbedrief en mam zit achter de kasse beej de Praxis. Same met Melvin, ut 13 jaorig breurke van Kelsey, woene ze op de Kruussjtraot. Zie geit gere lekker keuvele bij häör opa en oma. Kelsey geit naor sjaol op Basissjaol de Vlinderboom boe ze in groep 6a beej Meister Piet zit. Es zie neet op sjaol zit, zit Kelsey gere op ut peerd: peerdrije is häör passie en häöre druim is um later häör eige peerd te höbbe.
Unne andere druim van Kelsey waor um prinses te zien. Vastelaovend vindt zie hielemaol geweldig, veural ut verkleije. Tot zie noe prinses maog van de Sjraveleirkes kin zie eigelik neet geluive! Zie heet al eve kinne oefene wie zie prinses waor op sjaol. Meh noe is ze klaor veur ut echte werrek!
PROKLEMASIE 2012.
